الشاعر فيصل
٢٠ ساعة · tagإضافة موضوعاتوالجُـرن كـبـــييييير
حـواليه سور
والسورعلى طوبه ونص
والناس عملاه مصطبه للقاعده
حـكايات ونـُكَـت وهــزار
قال أيه
كـان مَـرَّه شِـــوية صِـيَّع
عاوزين يضربوا واحد بتأنزح
قابلوه فى العتمه وسألوه
انتَ معـانا
ولا انت مع دُكْهَـمَّه
الجدع اتخض ياعينى وخاف
وهـدومه اتبلت من تحــت
ولَعَـن سـبعـيـن دُكْـهـمّـــه
قـالُولُه احـنا يا واد دُكْهمه
ونـزلـوا عــليه هـرســــوه
والنـُكْـته بتـشـبك فـى التانـــيه
والضحـك بيخْرُج صافى ويرن
والجُــــــــــرن سـداح وبــراح
وف قـلب الجـرن الكُــــــــوره
وفريق بيهاجـم وفريق بيدافـع
والكوره بتدخـل قـلب الجُــــون
واللى بيتـفـرج بيهـرأ ويهـيص
والكوره تهزالعنبه وتفرط عنقود
مخـتـار بـِيـْرُد الـــــــــــــــكـوره
مـن تـانى ف قـلب الجـــــــــرن
يـِلِم العـنـب المـتـبـعـــــــــــــتر
ويقـزقـز فــِــــــــــــــــــــــــيه
والبسمه على جـبـيـنه قـــــيراط
ويعـاود ع الشـكـمـه يـقـُـــــول
الواد دا حـرام يلعـب ف الــريف
دا ولـد حَـــرِّيف
وسريع وخفيف
ومنال قاعـده فى ريحـــــــــه
وعـيـنـها عـليه ما بـتـرمــش
وكـأنهـا أول مـره تـشُــــوفـه
أول مره تشوف السحر اللى فى عينه
