بنجرى 
حقيقى كلنا بنجرى 
ومن بدرى ومن فجرى
والكل يقول عشان أجرى
لأكل العيش أو القراقيش
وعشان منقولش لأ معاييش 
لبسنا حرير لبسنا الخيش 
رجعنا لعصرنا الحجرى
أدينا كلنا بنجرى
بنجرى وفينا ابو مقشه
وساكن القصر والعشه
وحتى البيه ابو منشه
وهادى الطبع والغجرى
وفينا رقيق وفينا بطيئ
وفينا اللى بنشفان الريق 
وفينا سريع ولا المجرى
ولكن كلنا بنجرى
بنجرى سواء فحر وبرد 
وبندى ولو مخدناش رد 
بنوصل طولها ويا العرض
بنجرى وراها وبتجرى
ونجرى ساعات فى الغربه
ومواقف كلها صعبه
ساعات كربه ومتضاربه
والنخله ما ملت حجرى
بنجرى وأسرعنا موصلشى
جرى ولكن محصلشى 
وقال يا اخوانا محصلشى
ولسا كلنا بنجرى