و عايزنى أنساك ..
و عايزنى أنساك .. و روحى معاك بترفرف ف سماك ..

و إزاى أنساك .. و أنا قلبى هواك و هوايا هواك ..

أنساك ليه و بعد إيه .. بعد العمر ما عدا و فات ..

جى تقولى روح و انسانى .. خلينى ذكرى من الذكريات ..

أنسى إيه ولا إيه .. أنسى هجرك ولا خصامك ..

أنسى حبك أنسى قربك .. أنسى أحلى سنين ف غرامك ..

أنسى الشوق اللى ف عنيك .. و القمر شاهد عليك ..

ياما إشتاقت ياما قالت .. كنت ساعتها ملك إيديك ..

مهما حاولت تنسينى .. ذكرى منك تكفينى ..

صورتك ديمآ على بالى .. ليل و نهار قدام عينى ..

بتفكرنى بأحلى ليالى .. و القلب كان سعيد و خالى ..

كان بيحلاله السهر .. و النجوم ف السما بتلالى ..

بقلم الشاعر .. محمد البريمى..