بتحبها لكن خايف
تروح وتقولها بحبك
وكاتم كل أشواقك
مابين ضلوعك وقلبك
يادوب ف الرايحه والجايه
تشوفها وعينك تشتكى صمتك
تبات مشغول وبتفكر
ومين هيقولها سرك
بتحبها وقلبك يشتكى حاله
مافيش عاشق يبات صامت
مستنى أيه وإيمته الشوق
وكم دمعه على الخدود باتت
بتكلم الطير والشجر
وزهره فى البستان شابت
مستنى ف يوم تصرحلك
هتندم لو شمسها غابت
مش فاهمه لغة العيون
هتفضل لإيمته ساكت
ولو فهماك وحاسه بيك
لكن حيائها له ثوابت
خايف من أيه صارحها
هتندم لو شمسها غابت
( أسامه جديانه)