أزاى أسامح نفسى
أنى هجرتك يوم
لوامه يانفسى
طار من عيونى النوم
غلبنى غرورى وهجرتك
وصبحت أنا المظلوم
ظلمت أنا نفسى
وطلعت أنا الخسران
خسرت قلبك الطيب
يانبع الحنان
جرحت قلبى بغرورى
بعدك ما حسيت بالأمان
كنتى بالنسبالى حياه
بستان زهور متعدد الألوان
كنت حلم العمر كله
وفرقنا غرورى والزمان
مش هطلب منك السماح
وأبكى وأقول ندمان
لكن هقولك سامحينى
وأدعيلى بالغفران
أنا اللى ظلمتك كتير
وشربت كاس الحرمان
كان ليه الغرور يانفسى
وتفرط فى أغلى إنسان
( أسامه جديانه)