وائل عوض

ن#نفسي_ارجع_من_تاني_صغيرفسي ارجع ...... من تاني صغير

ألعب وأجري ....... تحت المطره
وانا واصحابي ........ نلعب طير
نجري ونطنطط ......... م الفرحه
وألعب بكفوفي ......... ف الطينه
گأني بعجن ............ ف عجينه
وارسم بكفوفي ....... ع الحيطه
بصوابعي الخمسه ..... اعمل زينه
وإيديا تتلج .............. م السقعه
واروح على دارنا ......... و بسرعه
اقلع ف هدومي ........... واغيرها
و اولع ولعه .................. وادفه
وامي تنفخ لي ............. ف إيدي
تنفخ ونفسها ................ يدفيني
وبإيدها تملس .......... على شعري
وتقولي ادفى .......... يا نور عيني
وتجبلي لحاف ............ وتغطيني
وتقولي حكايه .............. تسليني
واغمض ف عيوني ...... وافتحها
وهي تبوسني ........... ف جبيني
وبإيدها ....... تهرشلي ف ظهري
لحد النوم ................. لما يجيلي
بتمنى ونفسي .......... ارجع تاني
والله دي احلى ................. ايامي
كنت اضحك فيها .......... من قلبي
ولا شيىء فالدنيا ......... على بالي

#بقلمي ... وائل عوض

التعليقات