الشاعر الرسام

نفسي أصرخ صرخه عاليه
في وشوش العقول اللي صدت م الزمن. 
نفسي حتي ادفع التمن.
لو غلطان ولا حتي لو معاند. 
ياربي أنت الشاهد. 
في عقول متركبه متكركبه. 
فيها غلطه ولا يمكن ألف غلطه.
فيها ضمور العهد
زي عضله كانت قويه وجار عليها الزمن.
زمن الفتن والجبابره والفلاسفه 
والأعاجبه زمن محتاجله زمن.
هي المحن وبس. 
تقدر تبينلك المعادن.
في ناس براها فاتن.
ومن لمعانها لازم هتزغلل عنيك. 
بس الحقيقه بس تشوفها ويا المحن. 
في كلام لو اتوزن ملوش تمن. 
وفي كلام مهما كتر. 
ملوش وزن.
زي البطن. مهما تاخد مبتشكرش.
ولا حتي بتقولك كفايه .
ااااه ولا ليه اهات.
واحنا من كتر الوجع مبقاش بيفرق هي اهه
ولا أصلا كانوا كتير.
يومين يعدو زي غيرهم م اللي فاتو.

الله يرحمنا 
الشاعر الرسام
الصوره منقوله للأمانه

التعليقات