موضوع النهارده هيكون عن القيمه الغذائيه للبلح بما اننا طبعا داخلين علي شهر رمضان المبارك وموسم جميع انواع البلح...

البلح مهم جدا للجسم دايما نسمع عن اي شخص بيعاني من الضعف العام او الانيميا بجميع درجاتها ان لازم كل يوم الصبح كوب لبن بتمر عمرنا فكرنا ليه او الهدف منها ايه البلح يعتبر فعلا من اهم المواد الغذائيه التي تساهم في علاج الانيميا وفعلا بيمد الجسم بطاقة كبيره جدا غير انه بيمد الجسم بسكريات عديده بس خلي بالكم البلح. بيتخن جامد واثره بيبان بسرعه فما نكترش منه الاعتدال كويس تعالوا بقي نعرف ايه هي فوائد البلح اللي احنا ما نعرفهاش

1) مقوي عام للجسم ويعالج فقر الدم ويمنع اضطراب الاعصاب لما يحتوي علي نسبه عاليه من السكر والبوتاسيوم

2) بيساعد علي زياده افراز الهرمونات التي تحفز افراز اللبن للمرضع مثل هرمون البرولاكتين

3) يستخدم لعلاج حالات الامساك المزمن وذلك لانه بيعمل علي تنشيط حركه الامعاء ومرونتها بما يحتويه من الياف سيليلوزيه

4) دور وقائي ضد مرض السرطان لما يحتويه من فينولات ومضادات اكسده وهي عبازه عن مركبات تنشط الجهاز المناعي

5)التمر من اهم الاغذيه الغنيه في محتواها من مركب 1_3 ببتا دي جلوكان ومن اهم فوائدها تنشيط الجهاز المناعيولها القدره علي الاتحاد او الاحاطه او التغليف للمواد الغريبة والتعرف علي مخلفات الخلايا المدمره للجسم وطردها خارج الجسم

6) يساعد علي تنظيم هرمون النزف اثناء وعقب الولاده وهو مخفض لضغط الدم ويساعد في تنظيم الطلق عند النساء وايضا يمنع تناوله للحوامل

7) يحتوي علي فيتامين A الذي يساعد في عمليه النمو

8) يحتوي علي فيتامين B. المركب والذي يساعد علي تقوية الاعصاب وتليين وترطيب الامعاء وحفظها من الالتهابات والمحافظه علي الاوعيه الدمويه من الضعف

10) يحفظ رطوبه العين ويمنع الغشاوة الليلية

11) يفيد الشيوخ الذين بدؤوا يعانون من قله السمع والشعور بطنين الاذن او بالاصح ضعف في الاعصاب السمعية

12) يضفي السكينه والدعه في النفوس القلقه والمضطربه

13) تستطيع المعده هضم التمر وامتصاص السكريات الموجوده فيه والاستفاده منه في اقل من ساعه

بس كده عرفتوا مدي اهميه البلح وارتفاع قيمته الغذائية لذلك بنصحكم بان التمر اساسي في البيت مش رمضان وبس لان بيعالج حاجات كتير ولو لا قدر الله في ضعف عام او انيميا اتعود تشرب كوبايه لبن بالتمر بالنهايه لو دخلتوا التمر او البلح في قائمه طعامكم الصحي اليومي هتحسوا بالفرق وعمركم ما هتحسوا بالضعف او الخمول دايما التمر هيديكم الطاقه اللازمه للقيام بجميع الوظائف اليومية