محكي
عيون حوّى
راح اكتبلك ياحوّى
ولعيونك صف الأشعار
وبألوانا اتغنى
متل باقات الأزهار
وبقدمهن عيديه
عيون السود بتسحرني
وبركض وراهن مشوار
بتوقعني بالدوّار
وبتأسرني ليليه
وعيون العسليه
بتسوسح قلب السمّار
بتضوي عتمة صيفيّه
عيون الخضر يابيّي
بغني الهن غنيّه
بيشبهو كلن آدار
بيملو القلب حنيّه
إلك جنه أبديه
عيون الزرق للسما
بضربلهن تحيه
رموشن والله من دهب
إلي أكبر هديّه
شو ما قلت لا للعيون
بتكون مقصر يامجنون
مابيعرف بسوالفهن
الّا العاشق والمغروم
هادي قصة عيونك
حوّى يابنت آدم
راح اكتبها وأنشرها
وللقرّاء التحيّه
بقلمي ناصرالوسوف
