فينك يا أمه
...................
آه من دمعه القلب
فينك يا امه حاكيني ..
وفين روحتي وسبتيني
قالوللي أدعي لها في الجنه
وبعد شقاها تتهنا
هعد أيامي وأستنا
وهدعي أجيلك الجنه
ضاقت دنيتي عليا
وحلف الفرح ما يجيني
رودي عليا يا امايا
رودي البسمه جوايا
وحشني حضنك الدافي
ولمسه إيد على إكتافي
وقلب يسقي الحنان صافي
فينك يا امه حاكيني ..
فراقك والله على عيني
ودمعه قلبي تكويني
لوحدي غريب وطال ليللي
مشيت عالشوك وانا راضي
وأقول ده حلم ده ماضي
بكدب عيني واتمنى
ما ييجي الحزن على بابنا
وصبر نفسي وأستنا
و أشيل قدمك ودي الجنه
يارب الرحمه صبرنا
فينك يا أمه حاكيني ..
هشكيي لمين غير ليكي
ومين هيواسي بعديكي
هجيلك أسقي صبارك
وأحط همومي على بابك
فينك يا امه حاكيني ..
بقلم .. صبري رسلان
