فاتت سنه .............. فاتت سنه .. محروم يا قلبي ما الهنا ما أعرفش أنا .. إزاي يطول صبري عليك إن دق قلبك بسمعه ببعت في شوقي ترجعه كام يوم بيبكي توجعه إزاي يهون قلبي عليك وده كل ليله يسهر وليك طب رد حتى عليه بجواب مين اللي غلطان مين اللي ساب ساب حلمنا ضل الطريق من باب لباب عايش غريب جوايا إحساس كله خوف ولا عاد رابطنا غير حروف لعبه في أيديك حسب الظروف تنهيها تبدأ عشق خوف فاتت سنه .. والقلب محروم ما الهنا غلطت لما وثقت فيك والقلب سيباه بين أيديك تاهت ملامحه حرام عليك وأهو جاله جرأه وقال نسيك طب مين انا .. أنا حد تاني ما أعرفوش باع دنيته ولا كفهوش عشق في وهم ما قدروش باع كل شئ هد فى وشوش ندرا عليا أفراح وأعيش وأمسح دموع أحزان مافيش فاتت سنه .. هغسل في قلب ملاه الضنى مع شمس بكره هدوق هنا وأرسم في حلمي بأيدي أنا فاتت سنه .. رجعت لي نفسي لقيتها أنا ونسيت اللي فات حتى السنه بقلم .. صبري رسلان