<!--
<!--<!--<!--
ياعيد قَرِّب
يا عيد قَرِّب برجاك تعال
فَرِّح بجيتك كل الناس
أسعِد بغناك شَقَى الأطفال
يا عيد قَرِّب
راجنك بالنية الطيبة
ونفوس سايقاها الحنية
شايلنك آمال ليها زمان
بالخير بتغني فرايحية
زي مطراً داير يصب فينا
نزرع بلداتنا و حولينا
ويعم الخير نحصد آمالنا المسكينة
ياعيد قَرِّب
زيل الأتراح زيل الآلام
عم الأفراح غني الأنغام
أهدم بنورك كُلُ ظلام
ياعيد قَرِّب
راجنك بالشوق الملهوف
نَقِّع فرحك في بطن البيت
شتت مرحك في بطن السوق
ما تخلي مكان الا و تصلوا
ما تنسى عزيز الا تلمو
ما تخلي وراك زولا زعلان
ما تسيبو بلاك الشوق عطشان
يا عيد لملم كل الحبان
من دون تمييز في كل مكان
وأسقيهم من نيلك حِنَّك
وأهديهم من حِلْمَك فَنَّك
وأطرد شيطانهم من بينهم
يتوحدوا مرة قريب منك
يا عيد قَرِّب
بالخير الفيك
أنا جد راجيك والناس راجياك
ما تخذل زول إتعشم فيك
ما تحرم زول مستني رضاك
يا عيد لو جيت
مليون مرحب
أنا جد راجيك والناس راجياك
ساحة النقاش