(( متى تسمعون النداء ))
نطق الحجر ياعرب فينكو
انا صوتى اصله اتخنق منكو
والحق من كتر التنبله
تاه وتهت انا بينكو
اطفال وسال دمها والسبب انتو
كتر الادانه والشجب بيها ايه عملتوا
انا القدس بنده وانتم ما بتردو
غرتكم الدنيا ولا لصوتى بتصدو
الشر داير بمخالبو يقليبكوا
وهموم الوطن تاهت عن محاسبكم
كرسى وفيه الشر هيحصدكم
وسوق الغدر داير يحصد فى اوطانكم
ارض العراق واليمن وتونس وليبيا
سلمتو ليه للشر ورضيتوا ان يحصدكم
انا الى بسئل دمعتى كل يوم عنكم
سالت دموعى على الحجر
بكى وقال ايه غير احوالكم
بكيت وقلت ياحجر اسمعنى
الفقر كان حشمه وكا ن دايما يجمعنا
نشكى لبعض همومنا واوجاعنا
والنعمه جات من ربنا نحفظها ونصونها
تهنا وتاهت معالمنا
فرح العدو وحب يخدعنا
نصب شباك الشر لجل يصطادنا
يا امه فوقى واصحى من الغافله
وبلاش دروشه وكل يوم حافله
معاكى المال وخير ربنا وهبه
ايه رئيكم ياعرب يا نبنى جيوشنا
يانهلل كلنا ونمشى فى الزفه
ونقول لاسرائيل مبروك عليكو القدس
وانتو يا اهل غزه موتوا مع الرئفه

كلمات / احمد سويلم