( مشاعر تائهة )

ذنبى أيه
أعيش فى دنيا مفيهاش حبايب
ذنبى أيه
أعيش فى دنيا الحب فيها غايب
ذنبى أيه
أنجرح واأنا لسه فى عمر الزهور
ذنبى أيه
أنا بنت ذى كل البنات
بأحلم وأبكى وأحزن
يمكن ساعات أفرح
مع إن ده بسيط
بأحلم بيوم أبقى
عروسة بالطرحه
أحب واأتحب
واأكمل باقى عمرى
زى أى بنت
فاتت سنين عمرى
وحلمى جوايا
تملى يطاردنى
لحد ما قابلته
ولما كلمته
حبيته وعشقته
جالنا على بيتنا
طلبنى من أهلى
وأهلى بيه فرحوا
خدنى من إيدى
بعد مافرحنا
ورحنا على بيتنا
أعيش معاه عمرى
أكمل معاه عمره
وده حلم حققته
مأنا حقى مرة افرح
زى أى بنت
وعشنا مع بعض
عل الحلوه والمره
وأقولكم حاجه :
المره معاه حلوه
دارت اﻷيام
ودعيت أنا وهو
يارب عوضنا
ده ربنا كريم
دايما معوضنا
بعتلناابن
ماكنت بيه أحلم
ولا غيره أتمنى
فرحنا ع اﻵخر
وطرنا من الفرحه
وعشنا لولدنا
على الحلوة والمره
وده حلم حققته
مأنا حقى مرة افرح
زى أى بنت
وليلة ورا ليله
الحب غرقنا
وإيدى على قلبى
حاسه فى حاجه!
وﻻ دى عاده
بنخاف حتى من الفرحه
لحد ماجت ليله
ليلة ما مات حبيبى
أبو ولدى
حزنت ع اﻵخر
وبكيت أنا وولدى
وبقيت أنا وولدى
فى الدنيا وحدينا
يارب مالينا غيرك
قادر تنسينا
قادر تقوينا
إنت الوحيد إللي
باقى لينا
قلت أعيش عمرى
وأكمل أنا وولدى
أكمل باقى عمرى
زى أى ست
خدته فى حضنى
دخلته فى قلبى
كبرته ربيته
ضميته على صدرى
بقيت أنا أمه
بقيت أنا ابوه
بقيت أنا عمه
وعمته وخالته
وجدته وجده
بقى أغلى حاجه عندى
حببنى فى الدنيا
عوضنى عن ابوه
وعشنا من تانى
ع الحلوة والمره
زى أى ست
نسينا أحزاننا
كملنا مشوارنا
أدبته ربيته
حببته فى أولادنا
علمته كبرته
حببته فى بلدنا
هو ده ولدى
بيصوم وبيصلى
عارف أصول دينا
هو ده حبيبى
إللي بقى منى
بموت فيك ياابنى
والحب كان ذنبى
ذى اى ست
علمته ميخافش
وقلتله إمشى
دوس على الدنيا
كن راجلى
كن سندى
راجل مبيخافش
كبر بقى ضابط
بيصون حما بلدى
طول عمرى ببنيه
وفضلت أعليه
فرحت أنا بيه
وكتبت على قلبى
ياحبيبى ياولدى
إنت الوحيد فيه
زى أى ست
بتخاف على ولدها
وأملها وسندها
قدامى بقى يكبر
وكل يوم يعلا
وفى يوم
جالى وباس إيدى
وحب على راسى
وقالى
مش عايزه
مش عايزه حاجه يااما
هى دى عادته
مع السﻻمه يابنى
ربنا يحميك
وليا يخليك
خد بالك على نفسك
وعينى بتدمع
قام بصلى بصه
وكإنى بيه حاسه
أتاريها آخر بصه
مع ألف سلامه ياابنى
بقولك أيه ياابنى
قبل ماتمشى
أحضنى قوى ياابنى
احضنى واتوصى
زى اى ست
راح على شغله
وسلم على جارنا
وصحابه فى شارعنا
ربنا بيحبه
حبب فيه خلقه
بدعيله من قلبى
طلعوه مهمه
أصله بيحمينا
راجل ومن يومه
مش خايف على حاجه
حتى على نفسه
روحه فى بلدنا
واسألوا عنه
خد منى من ابوه
أحلى حاجه فينا
برصاصه من خاين
روحه راحت رايحه
شكلى هاموت فيهاآآآآه ياابنى
يارب اكون باحلم
هى دى الدنيا
ياريتنى ماجيت فيها
يا ريتنى ماجيت فيها
عمل أيه فيكم
عمره ماإسى عليكوا
هو إللي فاضلى
أناحبيته عشقته وأديته
سقيته من دمى
ياريتنى ماكبرته
ياريتنى ماربيته
هو ده ذنبى
إنى عليته
هأعيش لمين بعده
يارب موتنى
وخدنى لحبايبى
مليش طلب تانى
سامحنى ياربى
كان نفسى يوم أفرح
كان نفسى بيه أفرح
بس إنكتبلى أبكى
مش زى أى ست
موته جننى
عقلى راح منى
إنت مين انت
ياللي موته
ومنى ضيعته
هى دى الخسه.
إنت كده راضى!
إنت كده راجل!
والله ماهاسامحك
لو قطعوا منك
لو سيحوا دمك
لومزعوا جسمك
لستميت حته
والله ما هاسامحك
وﻻ ربى هيسامحك
عمل أيه فيك!
زعلك!
قالك وﻻ كلمة!
إنت أيه إنت
أيه ملتك إنت :
مسيحى يهودى مسلم!
أكيد مالك مله
إنت إنسان بتحس زيينا!
إنت أيه إنت!
هى دى جزاتى
هى دى جزاته!
ياخساره ياولدى
موتك مصرى
أكيد مهوش مصرى
وﻻ أتولد فيها
وﻻ أتولد فيها
ياخساره يابلدى
ملناش نصيب فيها
مش زى اى ست
من جرح لجرح
وفرحة نسيانا
يمكن ف الجنة نلاقيها
تحضنها ف عنيها

بقلم /
محمود ضياء محمود.