احذروووووووووووووووووووو
كلمات / على شاهين

العدو نايم مابينا ووسطنا
ووشه يشبه وشنا
وضحكه يشبه ضحكنا
نقسم مابينا الرغيف
وشربة الميه سوا
وحتى شمة الهوا
لكنه مش بيحبنا
ف قلبه يغلى الحقد نار
ولو تحقق باقتدار
هتلاقى على وشه الصفار
وضحكه باهته مشتته
العدو جنبك وخاشع ف الصلاة
بيوحد الرب الاله
وف قلبه الف اتجاه
ان انت خاين للوطن
وف قلبك عشش العفن
العدو فاكر انه مبعوث الاله
على ايده هيتم النجاة
وانت تموت وغيرك يموت
علشا ن ما تبقاله حياة
ان شاالله يقطع الرقاب
ياكل ف لحمك كالذئاب
العدو فكره مريض
العدو اصلا جبان
العدو مالهوش صديق
يضربك وقت الامان
لازمله حارس ديدبان
وشعب يقرا الكلام
جوه العيون وينته
الغفله بنت الجهل موت
وما عدش وقت للسكوت
لازم ما يسكن التابوت
قلوب صايبها العطن
وكل خاين للوطن
وكل خاين للوطن