(( قاعده أهوه ))
قاعده أهوه عماله بغزل
ف الا عدا والا فات٠
أغزل الأمل لبكره
وأغسل الأحزان بذكرى
تضحك الدنيا ف عيونى
تنتهى كل الأهات
الخيوط عامله ف ايديا
ذى خيوط العنكبوت
ألوانها حلوه ف عينيه
جايبه فجر يمحى موت
يمحى هم ف قلب أم
أبنها أستشهد عشان
أبنه يعيس ف امان
علشان أمه تعيش كريمة
علشان أخته تعيش الحلم
الا حلمت بيه زمان
فوق سطوح أبن الجيران
قاعده بغزل
أيوه بغزل ف الأمل قدام عينيه
أيوه بحلم بالرخاء لمصر ف أيامنا الا جايه
أيوه بغزل توب مليان بالنقوش الحلوه أهيه
نقشة حب نقشة فرح نقشة
فيها عزه وكرامه للأمه ديه
فكيت دفيرى وفردتها خيمه
بتحميكى ياأرضى
ياشرف امى وابويا
وفخر اخويا وعز جدى
يا كرامة اختى واخويا
وعرض امى ومجد ولدى
ياعز أبنى وأمن زوحتى
وأيدين شريفه عماله تبنى
أيوه بغزل
أيوه بغزل والخيوط عماله تضوى بين أيديا
الخيوط ضياها يرسم شكل أيامنا الا جايه
فجر طل جوه ليلى
نادا قومى وافتحلى
افتحى البيبان لبكره
جاي أطفى كل نار تحت التراب
جاي أمحى من سنين
المصرى لحظه عاشها ف العزاب
جاي أرجع حق كل أم أبنها تحت التراب
جاي أرجع حلم شاب أحلامه شافها يوم سراب
قاعده بغزل
قاعده بغزل والدموع م الفرحه سالت
قاعده بغزل والروح ف جسدى عليه هانت
قاعده بغزل والسنين الحلوه بانت
بين الخيوط ! والعنكبوت
فرش خيوطه وضللت
بالسلام ع الغاليه مصر
تحيا تحيا تحيا مصر
والفرحه رقصت جوه عينى
وانا قاعده بغزل
بقلم/ مياده محمد عبدالعزير
اهداء الى الغالية الشامخة دائما مصر المحروسة