قلبى عاشقك من جواه
******************
ياأم الرموش الجراحة
وخدود زى التفاحة
أنا قلت أجوبك بصراحة
فى هواكى أبدا مكان راحة
كنت أسهر أعد نجوم
وف هواكى كان اللوم
عاشقك انا وبقيت محروم
من الوصال والحنية
ياعيون جريئة حنى شوية
قوليلى ليه معندانى
حبيبتى ليه تعبانى
أسألى قلبك مين هوا
يقلك دا ساكن فيه جوه
ولا عمره يوم ينسانى
قلبى عشقك من جواه
قال دا حبيبى دايب ف هواه
لو فاكرة تقلك ده عادى
حبيبتى اوعى تتمادى
لا أفوت هواكى وراح أنساه
وأعيش ليلى مع ذكراه
وتعاتبى نفسك
على هجرك
وتقولى ياريتنى يوم ألقاه
ويرجع قلبى يدوب ف هواه
يا أم الرموش الدباحة
............ سامى أبو الغيط ............
***************************
