غصب عني
*********
غصب عني ياحبيبي
غصب عني باعود اليك
غصب عني ياحبيبي
غصب عني باشتاق اليك
غصب عني رجعت تاني
رغم أحزاني وآلامي
رغم نزف قلبي منك
أنا مش قادره أقولك
ياحبيبي انساني
وغصب عني ياحبيبي
غصب عني رجعت تاني
ما أنا كل ما أقول
هابعد واغيب
غصب عني
ألاقي نفسي باحن ليك
ألاقي قلبي بيصرخ عليك
أرجع وأقول
أنا راح أصبر تاني عليك
ولما ألقاني مشتاقه ليك
وروحي لسه دايبه فيك
أنسي من تاني نفسي
وأرتمي مابين ايديك
وغصب عني رجعت تاني
وأعيد حياتي من جديد
وأكدب علي نفسي وأقول
معاك ياحبيبي باكون سعيد
ولأمالي من تاني أعيد
وأنسي انك ليلاتي
لماكنت تسمع آهاتي
كنت تسعد وهيا بتناديك
كنتت تسعد لما تزيد
كنت تهرب .. كنت تبعد
كنت تعند وتعند من جديد
وأما كنت تحس بألامي
كنت بتكون سعيد
وغصب عني رجعت تاني
طيب قولي انت ليه
ليه دايما بتبعد
لما أكون مشتاقالك
ليه معايا بتعند
لما أكون محتاجالك
وقولي ليه عليا بتأسي
ليه دايما بتنسي
ان حلمي انا عشته فيك
ان عمري وهبته ليك
وان مصيري كان بين ايديك
من يوم ماقلبي . أنا ملكته ليك
وغصب عني رجعت تاني
وياما أقسمت لك
ان لعهدي مش هاخون
وان لغيرك أبدا ماأكون
وحبك في قلبي مصون
كل دا كان غصب عني
مهما انت بعدت عني
أصل قلبي مش بأمري
أصل حلمي حصرته فيك
لما كنت عايشه ليك
وليلاتي كنت كنت أسهر
لما أطمن عليك
الكلام دا كان زمان
لما كنت حاسه معاك الأمان
لكن أرجع تاني
رغم اني لسه بعاني
رغم احساسي بألامي
ألاقي نفسي بحن ليك
وغصب عني يا حبيبي
غصب عني أعود اليك
وغصب عني يا حبيبي
غصب عني أعود اليك

صفاء عبد ربه