مابين الناس
فى ناس قشره
وناس كالماس
وناس تتشاف نقول بُشره
وناس عايشه كدا وخلاص
وناس تتحس رغم البعد
وناس بارده بدون احساس
فى ناس بيضا وناس صفرا
وناس سودا
وناس الونها محدوده
وناس مكتوب على جبينها تفارق ناس

فى ناس كارهه ايامها
وناس بتدارى ف المها
وناس تحت المداس تنداس
وناس مش حبه بالمره
تكون حره
وناس حره بنقتل حلمها برصاص
وناس حاقده وناس حاسده
وناس سكه ع الدنيا 200 ترباس
مابين الناس
تتوه الفرصه فى الزحمه
وتضربنا الحياه ف خلاط
وناس تملى عشان تشرب
وناس تشرب بنفس الكاس

بقلم اسلام ياسين