بقيت استحي أقول وحشتيني
لا عايز اعاتبك ولا عايزك تعاتبيني
غيبي عني وكمان حياتي احرميني
المفروض إني أشاركك حياتك وتشاركيني
مش تبعدي وتتحملي وحدك وتتركيني
كنت فاكر لما تتصعب عليكي الحياه
هتيجي في حضني وتصرخي وتقولي أه
قلبي في حبك ما أرتوي ولا بلغ منتهاه
غيبي كمان وغيبي وتسوي ايه عندي الحياه
لما انتي تغيبي وقلبي يشتكي وما يلاقي صداه
وتظهري زي شمس الشتا لحظه وحبيبك الشوق رداه
إبعدي عني كمان وكمان حبك في قلبي كما البركان
لا الشوق بيهدي ولا غيرني الجفا ولا الحرمان
ولا أنا عارف طريقي منين وصرت أنا أسير الأحزان
طول عمرك يا قلبي وحيد وحر وأخيرا لقيت سجان
رماك في سجن الشوق والحنين وسابك مع النسيان
بقيت استحي اقول وحشتيني
بقيت استحي اقول وحشتيني........................ بقلم الشاعر/ /سامح محمد حسن حراز