-------- صبحية شامية --------

صباح الخير

مية أهلا وسهلا

زارتنا البركة والله

اتفضلوا لجيب القهوة

صباحكم ورد وصبحية شامية

حد البحرة والزهرات مروية

وفنجان قهوة مع الوجوه الهنية

وتتدندل الياسمينة البلدية

واتعانئها ياسمينة صفرا عراتلية

لتسمع وشوشة الصبية

والست تعطي الولد سكرة بكل حنية

والبنت تتفتل بجوز يجي نصيبها وتفرح الأهلية

آااااه وين أيام زمان لما كانت القلوب نقية

لاحقد ولا زعل وقلوب طيبة بالرضا مروية

يارب الشام وطني بحمايتك رجع أنغامها الشجية

الشام كنانتك يارب خليها بحمايتك محمية

شام العز والكرامة ورجالها الأبية

انصرها يارب برجعة ولادها وفرح كل أم سورية

قولوا آمين يرحم أمواتكم بجاه رب البرية

بقلمي غالية معدنلي

باللهجة الشامية
3/9/2014