شاعر العامية المصرية - محمد عاطف عبدالمنعم
موال : العقربه
بقلم : محمد عاطف عبدالمنعم
غرقت ف مرة عقربة
صرخت يا مين ينجينى
جت ضفدعة مقربة
ردت أخاف تسمينى
والعقربة متدربة
ردت وجودك بيحيينى
والقرصة لو مجربة
تموتى ولا تنقذينى
طلعت صحيح معقربة
لفت دماغها ياعينى
شالتها وراها مغربة
كسفينة أو توربينى
وفجأة صرخة مكهربة
طب ليه بتقرصينى
عقول صحيح متخربة
هتموتى وتموتينى
ردت ده طبع العقربة
أموت ولا تطبعينى
