جارى التحميل
استخدم زر ESC أو رجوع للعودة
ازاى نغنى والوتر مقطوع
وازاى نغنى والكلام ممنوع
وازاى نشيدنا هايعلاوصوتنا م عاد مرفوع
وازاى هانضحك وغزه فيها دموع
امانه يا كلمة الشعر اوصفى شجنى
وعدى بيا لشط القدس على مهلك
لاجل ما احضن طفل عالطريق راقد
ولا الخطا ممنوع
الدره قام من رفاته وانتصب واقف
و ف عينه دمعة عتاب واللوم مش ساكت
بيسال الشرق والغرب ليه الرجال ساكتين
وصلهم صوت الرصاص ولا مش سامعين
عاجبهم الدم ولا مش فاهمين
ولا احنا عرب منهم ولا مش عارفين
الدره حاضن تراب الارض فى عزه
ماشى فى سكته وبينعى ولاد غزه
صاب العرب الوهن وهى مش حاسه
يا كلمة الشعر سامحينى ما عدش القول
يمنع عويل الثكالا ولا يرد اللوم
ولاعدش رجال العرب ليهم ف القضيه قول
يا كلمة الشعر سامحينى على عروبتى
لو كنت اعرف انه هايجى اليوم
المح ف عين الصغار نظرة عتاب مع لوم
انا كنت طلبت الموت ولا اشوف ده اليوم
سيد صميده
رفيق القلم
