بعترفلك ..
ان انت روحى ، وكل جروحى ، أنا بعترفلك
بعترفلك ..
ان انت عمرى ، وف سمايا صبحت قمرى ، أنا بعترفلك
بعترف ان النوم فى بعادك انت ، عاندنى وخاصم جفونى
والحبايب من حوليّا بعدوا عنى وهجرونى
وان الدموع عادت من تانى تجرى ع الخدود
ولاعاد الناى بيعزف ، ولا بيدندن أى عود
آه بعترف ..
حياتى من غيرك كرهتها ، وعشقت الليل والسهر
آه بعترف ..
وازاى وانا قلبى مؤمن ، معترفش انه قدر
حبك قدر ..
بس ياريت وانت حبيبى ، أحس انك معايا
وان غرامك هو نصيبى ، وانك أملى ومنايا
بعترفلك ، بس ياريت تعترف ..
ان حكايتى معاك .. هى أجمل حكايه
عبد الحميد المرسى
