عاش الجندى المصرى للشاعر( البرنس الجوجرى)
عشت ياشايل روحك على كفك *** عشت يارافع راية بلدك
سايب أرضك سايب ولدك *** فايت عيلتك فايت زوجتك
واهب نفسك تحمى عرضك *** ناسى مشاكلك شايل شيلتك
وسلاحك محطوط على كتفك *** جاهز دايما تحمى أرضك
عالى الهمه فاتح صدرك *** رافع راسك واقف مش همك
حامى حدودك زى جدودك *** ماتوا وضحوا بنولك بيتك
وحلفت انت لتاخد دورك *** وتعلم وتسلم إبنك من بعدك
يحميها ويديها مايملك *** ويحافظ على ورثه وورثك
مش همك مين واقف ضدك *** ولاتحسب مين قاصد قتلك
عينك مش شايفه غيرهدفك *** قايم نايم مصر فى حلمك
واقف قاعد قدامك ربك *** راكع ساجد لله رافع يدك
رغم ظروفك لازم تضحك *** لو زعلان البسمه فى وشك
دايما صاحى واقف على رجلك *** حامى كمينك حقى وحقك
من الغدر خد بالك من نفسك *** جبان وخسيس قاصد ضررك
واقف على الحدود يحميك ربك *** وجوه السدود حاميها بدمك
طفلى وطفلك محمى فى ضهرك *** بنتى وبنتك جايه تقولك
انت حمايتى أنت أمانى *** أنت منى وأنا حته منك
قايم صبحك رايح شغلك *** مش عارف راجع لعيالك
ولا مقدم روحك فدا واجبك *** جندى أوظابط اللتنين شكلك
شرطه أوجيش ماحد يهزك *** عينك على مدرستى وبنكك
تحرس مصانعنا وكهربتك *** وفى عينك كبارينا وقنالتك
شايفك لو عوزتنى جايلك *** جاهز زيك شاور تلاقينى جنبك
ربنا يحميك ويبارك فيك *** عز بلدنا همى وهمك
لما تهدا الدنيا هترجع بلدك *** هاجى أبوسك من خدك
وإن مت يبقى قدرى وقدرك *** شهيد رايح على جنة ربك
