جارى التحميل
استخدم زر ESC أو رجوع للعودة
رسالة شهيد لآمه
ما تحزنيش
*********
ما تحزنيش عليا ياما .. ما تحزنيش
دا أنا مهما كنت غالي
علشان تراب بلدي . أبقي رخيص
الله .. الله ياما
لوشوفتي الملايكه وهيا زفاني
الله . كأن مافيش زيي عريس
ولا حور العين هنا ياما ما تعديش
وجمالهم مهما ان وصفت
الوصف ما يوفيش
مش انتي اللي كان
نفسك تشوفيني عريس
وأديني اتزفيت علي حوريه
بس ما قوليكيش
وانتٍ كمان لحد ماتقوليش
علشان عليا ما تتحسديش
ماهي حوريه من الجنه
يعني في جمالها مافيش
ما تحزنيش عليا ياما .. ما تجزنيش
دا ابنك مات علشان بلده شهيد
فداها . علشان انتٍ ما تتهانيش
وولادي اللي جايه . فيها تقدر تعيش
ماهو أغلي عليا من بلدي ياما مافيش
ياعني ابنك مات مكرم مش راح فطيس
ما تحزنيش ياما عليا .. ما تحزنيش
وآه لو تعرفي أنا قد ايه سعيد
دي سعاده دايمه وما بتنتهيش
مش مجرد سعاده في يوم العيد
بس المهم أمانه عليكم ياما
تحافظوا علي دمي
اللي وأنا راضي سقيت بيه تراب بلدي
لأجل ما تتطرح مليون شهيد وشهيد
وأمانه عليكي لما تشوفيني
تزغردي وما تصرخيش
وترقصي وتغني ..
وتخلي الأهل تهني
وعليا ما تعدديش
يامه أنا مت لأجل ما ترفعي راسك
وانتٍ ماشيه وسط أهلك وناسك
وتفخري بيا وتقوليلهم يبقي ابني أنا
أاللي كان علي الحدود ماسك
واللي مات بطعنة غدر
من خسيس خاين لبلده ولناسك
انتِ عارفه ياامه اللي قتلني
مش راجل كما الرجال
اللي قتلني دا أصله غادر جبان
ماقدرشي يواجهني
راجل لراجل في الميدان
غرضه ينشر الفوضي في بلد الامان
اللي وصفها بيها ربنا في السنه والقرآن
صفاء عبد ربه
