مش مننا بقلم الشاعرة صفاء عبد ربه

مشاعر جميلة

http://alshaameh.com/2014/07/%D9%85%D8%B4-%D9%85%D9%86%D9%86%D8%A7-%D8%A7%D9%84%D8%B4%D8%A7%D8%B9%D8%B1%D8%A9-%D8%B5%D9%81%D8%A7%D8%A1-%D8%B9%D8%A8%D8%AF-%D8%B1%D8%A8%D8%A9/

مش مننا
*******
مش مننا اللي يبيع ويحرق أرضنا
اللي يوقف النبض في قلبنا
مش مننا
مش مننا اللي يقتل حلمنــــــــــا
في خيرة جنود الأض . جندنا
مش مننا
مش مننا اللي يقتل ولادنـــــــــــا
زهرة شبابنا وعمرنا
مش مننا
مش مننا اللي بيستحل دمنــــــا
ويرهبنا وينزع منا كبدنا
مش مننا
مش مننا خاين جبان اشتراه شيطان
حاقد علي .. بني الانسان
مش مننا
مش مننا اللي يحرق دمنا ويجرح قلبنا
علي أعز وأحب الناس
علي رفاقنا وذوينا وأهلنا
مش مننا
مش مننا كلب . خسيس . خاين . جبان
شيطان عايش مابينا .. في صورة انسان
مش مننا
مش مننا اللي انتزعت
من قلوبهم الرحمه والحنان
ويغررو ببني الانسان
مش مننا
مش مننا اللي باسم الدين تاجر كداب
بمص دمنا وبيصدر لنا الارهاب
مش مننا
مش مننا اللي شتت الأهل والأحباب
وفرق ما بين الجيران والأصحاب
مش مننا
مش مننا ياللي نسيت الوعد
خنت العهد ورحت تنصر علينا الوغد
مش مننا
مش مننا اللي يقتل الفرحه في عينينا
والسماحه اللي كانت طبع فينا
مش مننا
مش مننا اللي استغل فقرنا وجهلنا
ودس سمه في أكلنا
لاجل ما يغيب عقلنا
مش مننا
مش مننا اللي استغل النساء والأيتام
ويقول آل ايه . فدا الشريعه والاسلام
مش مننا
مش مننا خاين جبان
استكتر علي بلده الأمان
اللي مذكور في القرآن
وبدل ما يسدد طعنته للعدو في الميدان
جه يسددها في صدرنا
مش مننا
مش مننا اللي يخونا ويغدر بنا
ويبعنا وينقض عهدنا
ويستعين ويستقوي
بالأمريكان والغرب ضدنا
مش مننا
مش مننا اللي يخالف عرفنا
ويسمح بالتدخل الأجنبي
في سيادتنا علي أرضنا
مش مننا
مش مننا اللي يسرق خيرنا
ويمول الارهاب من شقانا وكدنا
ويسمح له يعيش علي أرضنا
مش مننا
مش مننا اللي ينتهك حرمة بلادنا
ويدنس شرفنا وعرضنا
مش مننا
مش مننا اللي يفكر يدوس كرامتنا
ونفسه انه ينكس رايتنا
مش مننا
مش مننا اللي يستخف بعقلنا
ويتاجر بدينا وسنة نبينا وشرعنا
مش مننا
مش مننا اللي يكفرنا ويكفر أهلنا
ويقسم أرضنا لاجل ما يبعها
لصالح صهيون عدونا مش مننا
مش مننا
مش مننا اللي خلانا نصرخ الآه
والكون يسمع صداه
مش مننا
طبعا مش مننا
ولا دمه من دمنا
ولا جنسه ينسب لينا
مش مننا
مش مننا اللي يهدم حضارة بلدنا
يدنس أمجادنا وتاريخ أجدادنا
حقنا وحق ولادنا وأحفادنا
مش مننا
مش مننا اللي بيعشق الدم
وراح يجي اليوم اللي فيه راح يتلم
دا ما يستحقش رحمه
دا ينداس بالحذاء في الزحمه
لانه مش مننا
دا كما الخفاش لما تشوفه
واجب عليك تفعصه بأقذر مداس
لانه مش مننا
دا لازم ينشال
من تصنيفات بني الانسان
لانه عميل خاين . جبان
مش مننا .. مش مننا .. مش مننا

صفاء عبد ربه