عدي جنبي بقلم الشاعر محمود ابراهيم

عدي جنبي
ـــــــــــــــــــــــــــــــــــــــــــ
لما أسهر ويخاصمني نومي

لما أحلم وأنسي يومي

لما أمشي سارح و دمعي نازح

لما أكلم نفسي ويعلا همسي

لما أشكي قمري لشمسي

يزيد حنيني لحبيب سنيني

يبان عليا شرود عينيا

أبقي حكاية لكل عازل

أخاف أغازل يزيد جنوني

يتبح صوتي يشحب لوني

يغيب عني تزيد ظنوني

أخاف عليه أنده أنادي

يعلا صوتي أنظر ألأقي

ناظرين عليا ..يقولوا ليا

ماكنت عاقل هادي وكامل

أيه اللي شاغل بالك ياخالي

أنا كنت خالي عدي جنبي

سرق خيالي شغلي بالي

متلموش عليا في نور عينيا

لو شفتو جمال قده هاتنسو ا

لومكم ويضيع يومكم

في وصف نظرة من عينيه

ولو فات مرة ولاحتي هدي

وقال كلام تسمع غزال

وتشوف جمال يأسر عيون

ملاك ياربي تملي جاني

دا عدي جنبي سرق خيالي

ـــــــــــــــــــــــــــــــــــ
كلمات /محمود إبراهيم