جارى التحميل
استخدم زر ESC أو رجوع للعودة
قصيدة / صدقينى
,,,,,,,,,,,,,,,,,,,,,,,,,,,,,
صدقينى غصب عنى غصب عنى صدقينى
انى أمنع قلبى ينطق كلمه ما بينك وبينى
كل مره اقول خلاص وأوعدك وأخلف بواعدى
م انتى مش قادره تشوفينى دنيتك وسبب لسعدك
اتقابلنا فى غير معادنا
واللى جمّع بينّا خدنا
دنيا تانيه معشناهاش
اتحرمنا كتير زمان
واتظلمنا من الزمان
ليه نسيب كل اللى كان يخنق الفرحه ف عينينا
مش بايدك أو بايدى نكتب السطر الأخير
الحياه لو كاتبه دمعه م احنا دمّعنا كتير
ليه نعيش جوّ الألم
ليه قلوبنا تنظلم
ليه نحط الحلم الأخضر عند موجه تفتّته
ليه زمان الحب ضايع وبايدينا نشتّته
هو يعنى ان قلت سيبتك انتى هتحبّى الحياه
طب قوليها ان كنتى قادره
حبنا بقى منتهاه
أهربى من قلبى تانى وأمسحينى م الحياه
انما انا مش هاقولها وانتظر حلم الربيع
انتى لو هتبيعى بيعى
قلبى م هيعرف يبيع
هنتظر يمكن ألاقى الخريف يصبح بديع ,,,,,,,,,
شعر/ ابراهيم فهمى المحامى
