جارى التحميل
استخدم زر ESC أو رجوع للعودة
إبنوها
خدوا من قوت الولاد وعمروها بلاش بإيديكم تزيدوا وجع العباد وتشردوها
خدوا من قوت الولاد وزينوها بالحب والحنان الى فاض فى القلوب الطيبة جملوها
خدوا من قوت الولاد وشاركوهم حتى الرضاعة يالى الكلام عندكم أروج بضاعة
خدوا من عمرى أد إل راح وإل جاى كمان سماح بس إياكم تانى تسيبوها تنجرف لضلال وتشح فيها الغلال وتنفتح أبواب سجونها سراح لل بإيدهم دمروها
خدوا نور عينيا وهاتوا نوركم يالى الجشع أعمى ضميركم عن الغلابة بالجوع والغلا بتدبحوها
خدوا من قوت الولاد وإدونى وعد وأمل إن من اليوم الكلام مصحوب بالعمل مش مجرد أخبار فى النشرة بتفبركوها
خدوا من قوت الولاد وإحرموهم الزاد وبلاش تجرموا الحرية والثورة تشوهوها
خدوا من قوت الولاد وكفاية إهانة للصبايا والبنات فى روايات ليل نهار بتذيعوها
خدوا من قوت الولاد وإمنعوا إنتوا التحرش عمر التحرش ماكان بينا ولا اختفى ورجع من تانى علشان يتورث دى أفكاركم وإنتوا إلى بتروجوها
خدوا من دمائنا وحرروها من الأسر والإنكسار يارب تقدروا تقوموها
محمد حسانين
