غزة لن تركع ومنتصرة ب اذن الله بقلم الشاعر /علي شمس الدين

غزة لن تركع ومنتصرة ب اذن الله
........................
العربان أمس مع نخوتهن باعوني
عا أرض اشواك لوجاع وحدي تركوني
بعد ما كنت اختهن هلق نسيوني
صارو يمشو عميان مع عصاية الصهيوني
ماتت شعورهم تحت لتراب صارت مدفوني
كرمال لكراسي ب الخنجر غدروني
الإسرائيلية ب صورايخ قصفوني
قتلو لطفال جفت لدموع بعيوني
أجسادهن ع لكتاف الصامدة حملولي
والقلب عا مفرق درب وداعهم جرحولي
لشرايين عا لفراق صوت ناي عزفولي
بعد ما لمجازر بالغاليين عملولي
غير لمصايب والأحزان ما تركولي
طلعوا عالجنة راس العزة رفعولي
مش مثل العربان روسهم واطية مذلولي
ايدين العون من الإخوة صارت مشلولي
بهالعمر غير كومة اوجاع ما بقيولي
رح شوفكن وقت النصر واقفين تزقفولي
فلسطين ترابك بالدم الطاهر مجبولي
بمحراب القدس تصطفو ل تصلولي
وترفرف عا قبتو رايات لبطولي
ونكبّر وقت هنيكن وتباركولي

علي شمس الدين
12-07-2014