صرخة وجع
ما بين مخيم ورصاصة غدر ماتت شهامتى ونخوتى
وتحت شعار صلاة الوتر مقدرتش أفراق فرشتى
عاجز ذليل خاين عميل مش هما دول كانوا عزوتى
من إمتى صبحوا للعدو دليل على أرضى وثروتى
يارب سلم يارب فرج كربهم وكبوتى
ويفوقوا إل ناموا إل قاموا وإل هاموا ورا الكدب وفارقوا سكتى
إعلام رقاصات وأقلام بصاصات وغوازى ع الشاشات بمرقعة خسرونى قضيتى
أبله سفيه أطرش كفيف سايق سيفنتى ماسك دفتى
وراه غنم رعاع كتير إحتلوا بيتى يا غربتى فى بلدتى
يا ناس يا هوووووووه فوقوا قبل الطوفان ما يسحبكم بعيد عن دنيتى
عارفة يا نخلة فيكى كتير من نخيلهم
عارفة ياوردة فيكى كتير من وردهم
بس الإختلاف فى صورة غلاف بيفرق حدودى عن حدود منكتش يوم عندهم
كان فيه ملك ملك زمان حكم الأرض شرق وغرب
هام الجنان بملوك الغرب
قام الشيطان ربط جزام
لف بيه عيونا العمى
ومشينا وراه وإتبعنى خطاه وبعنا الارض
يا وجع العرض لما الغيلان يطوقوها وبجردوها من ترابها شبر شبر
وتغمى عيونك العميانين
وتصم اذنك الدفيانين بجهلك وحمقك وجشعك وخوفك من أخوك
ولقيتنى بجرى ورا الوهم خايف من تدابير القدر
شايف شيطان شايل سيف جاى بيجرىعليا من ورا الشجر
شافنى حمار مربوط فى سايقة ضحك وقال يا خيبة البشر
نسيوا لمة العيلة وطاحونة كانت بتطحن الف كيلة وكيلة
وعزوة وقوة ولمة فى حصاد سنة كان يا دوب ينتهى فى يوم بليلة
فارقوا الغيطان والمصانع
وفى كل حى تلاقى سكران وصايع مخمور بدنيا اللهو
والعلم ع الشاشات مجرد لغو
ساعات وساعات وتصادم فى العبارات إعلام مسموع ومرئى مالى الجو
والجهل يا سادة من الكاب والعمة على الراس لحد أصغر صابع فى الجزمة والبيادة
حراس الجهل كتير وأنا أولهم
أعمى مفكر نفسى بصير وبجرى أول ما أشوف الموت بيرقص فى عيونهم وأزحف كما العاجز ورا الفلوس طبع النفوس الخسيسة لما تغرينا أكلهم وهدموهم
والقضية قضية مبدأ وأنا مليت كلام الإنشا والتعبير
عاوز فعل مش مجرد وعود وكلام معسول وكأنك يا فتك بتحب ف عبير
أنا صامد بس الصمود مش هبفضل معايا كده كتير
إعدلوا المايلة يا مايلين للخنوع والضرب على الوشوش إل الهم والغم مالها تكشير
صابرين فى المحن وجنودكم وقت الجد
طب ليه فى الرخا مش فى بالكم ولا كأنكم حاسين بحد
ملح الأرض ومالينها شرق وغرب
إصحوا وإسمعوا أنين السكرانين من الجوع والبرد
عمر السجون ما قتلت فكر ولا أنسيت تراب البلد دى حد
كلام الشعرا ملا الجرانين ولا قتلتش حد
مليت أنا من حبها وهحبها وهموت وحبها منقوش على جدار القلب
ملعون أبوك يالى تغمها فى يوم وتنام والأيادى مرفوعة عليك بالدعا للى ما بيخشى حد
محمد حسانين
إلغاء إعجابي
