جارى التحميل
استخدم زر ESC أو رجوع للعودة
أصعب احساس
أصعب احساس
لما تشتري ناس بيعاك
تقرب منهم يبعدوا عنك
ويقولوا كفاياك
تبعد عنهم يجروا وراك
ويقولوا رحماك
اصعب احساس
لما تحكي لناس
سدوا أذانهم مش سمعاك
تشكيلهم حالك مش حاساك
تشرح وتفهم مش وياك
ليهم دنيا غير دنياك
أصعب احساس
لما تلاقي دمعك
سايل ع الخدين
وحباببك جنبك
عاملين مش شايفين
وفيك ياعيني مش سائلين
ولا بيك ياحبيبي حاسين
أصعب احساس
لما تكون ماشي طريق
لامعاك صديق ولا حتي رفيق
تتوه فيه ومش عارف
رايح علي فين
ومش عايز ترجع
وهاترجع بس لمين
أصعب احساس
لما بتحلم . والحلم
يقلب بكابوس
وأما بتغفر للناس وتسامح
وهيا بتنخر في عظامك سوس
وصديقك اللي آمنته . باعك
وعليك ياعيني جاسوس
أصعب احساس
أصعب احساس
صفاء عبد ربه
أصعب احساس
أصعب احساس
لما الدنيا تتأرجح بيك
تهديك أحزانها وتفردها
دايما حواليك
تعلن عصيانها علي الفرحه
وتتسرب من كف ايديك
أصعب احساس
لما الدنيا تنسي
انك انسان
تحاصرك قسوة أيامها
في كل مكان
فيها تتظلم . ومن العويل تتهان
تملاك بالخوف والرعب
وماتشعر فيها بأي أمان
أصعب احساس
أما تبقي في أزمه
وناس كثير حواليك
ومالهاش لازمه
تبكي ما تبكي
الدنيا بحالها شيفاك
والناس تتفرج وبتعمل .
أنها مش شيفاك
لا تلاقي حد ايده في ظهرك
ولا ايد في الأزمه سنداك
أصعب احساس
لما تقول . انك ندمان
علي انك كنت . في يوم انسان
ضيعت العمر بتدور
علي ابن أصول
وتجول في الدنيا عرض وطول
وتموت بردوا . قبل ماتنول
أصعب احساس
لما الاخلاص ينتهي
من بين الناس
والغدر اتغلغل في نفوسهم
ومافيش احساس
يبيعوا الغالي رخيص
ويشتروا الرخيص بالماس
أصعب احساس
لما تعيش مع ناس بيعاك
تقرب منهم ماتقرب
ناس مش عايزاك
تشكيلهم همك . مش سمعاك
تحكيلهم عنك مش فهماك
ماهيا أساسا مش حباك
أصعب احساس
أما بتدي للناس دي أمان
تغدربيك وتخونك
وتنسي . الاحسان
تراجع نفسك . تلاقيك
دايما خسران
وانك وحدك عشت الأوهام
أصعب احساس
أما تسمع لكلام معسول
من صاحب روحك
وتقول دا قلبي . دا دا ابن أصول
يطلع نصاب
وللحق ينهب ويجور
ولما تيجي وتعاتبه
يقول عليك مخبول
أصعب احساس
لما تعاتب .
ومش بتحاسب .
انسانأقرب ليك . من أي صديق
وتلاقي الدنيا . قامت . قعدت
واشتعلت . فيها حريق
ودا كله . الصبح . وعلي الريق
تكتم جواك كل مشاعرك
تختنق . والصدر يضيق
أصعب احساس
لما بتحلم . حلم . مايتحققش
وان الدنيا ها تجيلك . وماجتلكش
تصالح الفرح . ومايصالحكش
تلقي عمرك كله ضباب
مش شايف فيه الا عذاب
من غير أصحاب
من غير أحباب
عايش عيشة أغراب
تدعي . وتتمني الموت
لأجل من الدنيا تفوت
صفاء عبد ربه
