كل يوم بتزيد بعاد بقلم الشاعرة / صفاء عبد ربه

كل يوم بتزيد بعاد
وانت سايق في العناد
وتقول البعد جنه
ابعد
ابعد قد ما تبعد
أبعد . أنا مش هاستني
دا السُكني قرآن وسُنه

فرشتلك الطريق بالحنه
وياما . قولتلك استني
وأمر عليا واتمني
تقول
دا البعد عنكٍ . جنه

طب ابعد ياسيدي
أديني بايدي عجنتلك الحنه
وبدعيلك في البعد تتهني
بس اوعي في يوم تعود
وتقول جيت أجدد العهود

روح
روح واياك
اياك تعود
دا كل شيئ له حدود

قولي
هاتبعد ولا أبعد أنا
دا آلام اليوم معاك بسنه
وأنا نسيت معاك طعم الهنا

روح
روح يمكن تلاقي حد تاني
يرسملك في الأماني
الا أنا
الا أنا

صفاء عبد ربه