( كل شيء رافض رجوعك )
الدموع دى مش بريئه
بتدارى وياها الحقيقه
مهما تبكى
مش هاصدق كل دمعك
مهما تحكى مهما تشكى
مش راجعلك
كنت باحلم بكلمه منك
لو حتى اسمى وانت جايه بتناديلى
كنت أدوب من نظره منك
لوحتى كنت بتخدعينى
واتمنى اشوفك من بعيد
ويوم مااشوفك يبقى عيد
واحس انى بتولد من جديد
الدموع دى مش دموع
الدموع دى نار بتغلى
نار بتحرق جوه قلبى
غصب عنى
كل حاجه رافضه دمعك
ياريت تشوفى لعبه تانيه
مش هاسيبك مرة تانيه
تتسلي بيا
كنت عامل نفسى اعمى
كنت عايش جوه وهمى
كنت دايما باخدع فى نفسى
شفتى باعمل ايه عشانك
وانت جايه بالدموع دى
مره تانيه تخدعينى
كنت باتمنى حنانك
وانت كنت بتخونينى
ياللي عمر ماحد حبك قد قلبى
وانت غاويه تخدعينى
عمرى ماهصدق دموعك
كل شيء رافض رجوعك
حتى قلبى
بعت كل الناس عشانك
بس باندم
خلاص نسيت كل ال فات
والحب ال كان جوايا مات
خلاص نسيته
كنت فاكره انى من غيرك هاموت
خلاص انكسر جوايا السكوت
واسمعيها بأعلى صوت
كل شيء رافض رجوعك
ياللي عشتى تخدعينى
بقلم /
محمود ضياء محمود.
