ياما حاولت أتقرب ليك
وكنت أدادي وأحايل فيك
وانت ولا شيئ فيك نافع
لا عمري ولا حناني .
عليك كان لي شافع
انت مستعجل أوي كدا ليه
مستعجل كدا علي ايه
يمكن بكره أكون ذكري
تكون حلوه . تكون مره
مالكشي حق تعمل كدا بالمره
انت فاكر يوم ماتقابلنا
واتقابلت نظرات عيونا
يومها قالت ايه
فاكر لما الايدين اتلامست
قولي ليه ارتعشت
وليه فجأه تركتني
جريت بعيد وسبتني
يومها حيرتني
قولي كان جرالك ايه
مره واحده اختفت الفرحه في عينينا
واتسرسب الحب من بين ايدينا
لو كنت تعرف قد ايه شوقي اليك
أو كنت تعرف احتياجي ليك
كنت تعرف قد ايه أنا كنت باقيه عليك
وغلبت أدادي وأحايل فيك
وياما بكيت عيوني وانتفض قلبي عليك
وانت ولا شيئ نافع فيك
صفاء عبد ربه
