جارى التحميل
استخدم زر ESC أو رجوع للعودة
انت ايه واحنا ايه ؟
عيله واحده متقسمين !!!
من امتي .
من امتي كنا فرقتين
وكل يوم بينا صراعات
أسره واحده
وبينا كل ها المسافات
دا أنا كل يوم بأسهر أراجع
اللي كان بينا من ذكريات
ولما أفكر في النهارده
أبقي . مابين آنين وأهات
وتنزل دموعي سيل
من حاجات تهد الحيل
أناجي ربي وأقول
لحد امتي الفرقه راح تطول
لحد امتي ؟
لحد امتي تشمتي فينا عدو وعزول
انت
انت جيبتي القسوه دي منين
توهتي منا . توهتي ورحتي فين
هيا القسوه لما تبقي اسمك
يبقي اسمك قوللي ايه
لما الجرح يبقي منك
يبقي دا معناته ايه
قولي . قولي انت
فسري لي انت
كل دا علشان ايه
لما الشمس تهرب ما تسطع
والقمر في الليل ما يطلع
والنجوم . تمطر دموع
تطفي اللي باقي من شموع
يبقي الكون جري له ايه
اصغي بقي .
واهدي شويه واسمعيني
ليه ياحبيبتي
ليه حاولتي عنك تبعديني
ليه كان اختيارك . اني أموت
وانك انت تفارقيني
راح يجيي يوم ياحبيبتي
لراح يجي يوم ياحبيبتي
وفيه ما راح تلاقيني
يابنتي بالله عليكي .
اهدي .
اهدي شويه واسمعيني
دا انت حته مني
دا انت كياني ونور عيني
وان قسيت عليكي مره
غصب عني . صدقيني
وان بعدتي يوم عني
راح تسحبي روحي مني
وان كان دا هوا اختيارك
براحتك . براحتك يلا روحي
وان يوم أنا بعدت عنك
دا بجسمي مش بروحي
أيوا . أيوا أنا راح أبعد .
لأن ودي
ألملم منك جروحي
يمكن أقدر أرجع تاني
يمكن أقدر أرجع تاني وأضمك
أضمك لصدري وبين ضلوعي
يابنتي قوليلي
انت ليه خايفه مني ؟
وليه مش قادره تصدقيني ؟
ليه بتحاولي ياحبيبتي .
ان عنك تبعديني ؟
ليه كان اختيارك اني أموت . ؟
وانك انت تفارقيني ؟
ليه مش عايزه . بقي تفوقي ؟
وفي العند بتزيدي وتسوقي ؟
حزينه . وحزينه ليه ؟
ولحد امتي . قوليلي
قوليلي امتي راح تروقي ؟
امتي ؟
ليه يابنتي ليه ؟
ليه تهيني نفسك وتهنينا ؟
ليه سمحتي للعويل ؟
يحكم ويتحكم فيكي وفينا ؟
ويبيع ويشتري فينا ؟
ليه ؟
ليه يابنتي ؟ ليه ؟
ليه وانت الشريفه من الأحرار .
ترمي بنفسك كدا في النار ؟
ليه . ليه . دا الزمن غدار ؟
ولحد امتي ؟
لحد امتي راح تفضلي .
كدا عصيانه ؟ وما بتسمعي لي
لحد امتي ؟
استحلفك بالله تقوليلي ؟
طيب انت لسه فاكراني ؟
ولا كمان نسيتيني !!!!!
وعلشان مين . علشان مين .
هنت عليكي وبعتيني ؟
يابنتي ياريت تتريثي
وكوني لنفسك قاضي
راجعي نفسك
راجعي ذكريات الماضي
وكفايه . كفايه وماتضيعيش
باقي عمرك علي الفاضي
انت فاكره الناس دي ايه
فاكراهم شريينك
لا والله .
دي ناس مابقيه عليكي .
وبيعينك
دول شوية ديابه
قانونهم . قانون الغابه
بتنهش في لحمك
ومستقطعاكي
الضحكه ميته من بره
والشر جواهم شيئ فظيع
ربنا يحفظك منهم
ويحفظنا ويحفظ الجميع
بحق عالم الغيب وحده السميع
صفاء عبد ربه
