....((هل هلالك))....
********************
هليت ياشهر الخير
ياللى البيوت ف أيامك
مليانة خير وعمار
ياللى أولك رحمة
وأوسطك مغفرة
وآخرك عتق من النار
هليت ياشهر الخير
*****************
هل هلالك نور
بنستقبلك ........
والكل ليك فرحان
الكل بيك مسرور
ونودعك ........
وعيونا دموع تملى بحور
ونقولك ياترى؟
هاتعود علينا ولا ؟
هاييجى علينا الدور
هليت ياشهر الخير
******************
فيك الذنوب تتشال
والحسنة تتضاعف أمثال
ومهما نهارك طال
ربك كريم متعال
بيقدرنا ع الاحتمال
فيك بنحس بالمساكين
من غير فروق بين الفقير
ولا صاحب طين
الكل فيك متساوى
ولا فيه غيره مكيال
نهارك كله صوم
وليلك اللى بيحلى فيه النوم
عيونا ماييجى فيها نوم
واقفين بين صلاة وتسابيح
طالبين من ربنا الستر علينا يدوم
رافعين ايدينا لربنا............
ولا هانمل من دعانا ف يوم
هليت ياشهر الخير
************************
تعالوا نرفع ايدينا لربنا
فى أكرم شهور ربنا
طالبين وطلبنا مش كبير
على خالق الارض والسما
انه يحنن قلبنا على بعضنا
نبدأ بداية خير........
نبدأ مع أكرم شهور ربنا
وايدينا فى ايدين بعضنا
نبنى ونكمل حلمنا
ونخاف على بعضنا
نحافظ على بلدنا
وتكون حتة مننا
يارب انت القدير
فى أكرم شهور الخير
تستجيب مننا
وتبدل النفوس الضعيفة
لنفوس بتعرف ربنا
وكل سنة هانجدد وعدنا
ونحافظ على عهدنا
هليت ياشهر الخير
وكل سنة والشهر علينا مبارك
هل هلالك.......
***********************
صلاح البرماوى