بلادى ......بقلم الشاعره شيرين سلطان

بلادي
___________

منقوش اسمك .. علي قمره ما تغيب

لا حالي ولا مالي غير حبك ما في حبيب

ألف الدنيا لما اتعب .. وارجع لك فى حضنك

يا غاليه .. جراحي تطيب

عاشقة ترابك.. عاشقة هيامك

وأعيش في حضنك ..وادفا بحنانك

أنا بنتك... ومن طينتك

زرعتيني ..حصدت خيرك

بحبك.. وحبك مرسوم في ملامحي

وفي عيوني و جوارحي

أشيلك علي ..كتافي

واعدي بيكي بحور

وحبك يبقي مجدافي

وعدوك يبات محصور

ترسم خطوتي سكتك

وافرش بايدي .. فرحتك

تنسي بيه أحزانك

وأكون لك .. طرحتك

بحبك يا غالية شامخة عاليه

ماسحة من العيون دموعنا

وحبك بيجمع قلوب الملايكة

بحبك وحبك.. ساكن ضلوعنا

تعيشي يا مصر بعزة وكرامة

وديما بنورك .. تنور شموعنا بقلم

__________________

بقلم الشاعره شيرين سلطان