جارى التحميل
استخدم زر ESC أو رجوع للعودة
البتاع ===نقد رائع جدا بقلم الاستاذة مريم النقادى
مريم النقادي الشاعرة مريومه
بتاع الأدب !!
_______
أنا الشاعر بتاع أنا بتاع الأدب
نجم الفيس المُشاع وطابع اربع كتب
أنا الشاعر اللى .. لو حتى ايه كتب
ياخد لايك وشير ومجامله للرُكب
دا أنا الشاعر بتاع وأصل الإبداع
أصلاً حبر قلمى عصارة الأوجاع
دايس فى كل ندوة وف أى بتاع
أنا الشاعر اللى .. بيفوز بالإجماع
أنا الشاعر بتاع الموهبه و الإحساس
لزومه ايه الصرف والنحو م الأساس
معرفش وتد وساكن دول جن ولا ناس
ومتدارك وكامل أمور توجع الراس
أنا الشاعر بتاع ساعات .. بقتبس
وساعات يقولوا بسرق ودمى يتحبس
وكأنى للقصايد مُتحرش مُفترس
أطوّر الثقافه ويقولوا .. مختلس !!
أنا الشاعر بتاع ومالك المِداد
إسألوا الفيس وتويتر أنا ولاّ شدّاد
أنا الشاعر الذى لو مات يبقى حداد
أشيل هم بلد ويقولوا نتاج فساد
ولو ..
أنا الشاعر بتاع أنا بتاع الآدب
نجم الفيس المُشاع وطابع اربع كتب
أنا الشاعر اللى .. لو حتى ايه كتب
ياخد لايك وشير ومجامله للركب
رباعيات مريومه
