جارى التحميل
استخدم زر ESC أو رجوع للعودة
أضافت لولو احمد 3 صورة جديدة.
قصيده بالعاميه
اسمع مني
بص ياسيدي هقولك كلمه وتحطها حلقات ف ودانك
مصر بلدنا دى قلب الامه هى النور.. زهرة بستانك
مصر قويه ورده نديه عيش وارويها بشهد حنانك
********************************
صاحب صاحبك لو هيصاحبك بس بلاش تدي له امانك
اصله بيهجر وكتير يغدراو يرميك ف بحور احزانك
حتى ان هانك او يوم خانك اوعى ف يوم تإذيه بلسانك
طنش وامشي وماتسألشي أصل الدنيا دي مش علشانك
***********************************
وانتى يا حلوه يا اجمل غنوه خليكي محافظه علي كيانك
اوعى يغرك لبسه وشكله فجاه تتوهي ف ليل احزانك
خلي الدين اول اهدافك تصبحي ملكه طول ازمانك
*******************************
وانت يا واكل سحت ف جوفك ماشي وسايق فيها جنانك
بكره هتكبش نار في كفوفك تنده رب الكون سبحانك
عيش بحلالك ربي عيالك وما تديش للرشوه ودانك
عمر الظلم مايفتح بيتك او هيعمر لك دكانك
والله الظلم عليك ظلمات
مش هيسيب حسنات في ميزانك
***********************************
مصر يا مصري بتنده ليك بتقول حضني امان علشانك
مصر يا مصري بتنده ليك بتقول حضني امان علشانك
سلوى ابراهيم
