( زغزغ نفسك ماتكشرش )
بقلم : حازم سعيد ( أبو عبدالله )
زغزغ نفسك ماتكشرش
إضحك فرفش مابهزرش
ايه ياعني حبيبك مايقدرش
نفض سيبك علشان دمك مايعكرش
اللي يسيبك سيبوا يسيبك
ايه غير قدرك راح هيصيبك
ومتفلقش دماغي تقولي انه حبيبك
حبيبك مين اللي يسيبك
ده صنف جبان مايقدرش
ان جالك تاني ما يتعبّرش
واصبر بكره تلقي حبيبك
اللي عينيه دايبه ف دباديبك
قلبه النونو أبيض خالص مابيغدُرش
زغزغ نفسك ماتكشرش
إضحك فرفش مابهزرش
بقلم : حازم سعيد ( أبو عبدالله )
