رساله للرئيس
بعد السلام والتحيه مننا
اسمع ياريس ياللى جى لحكمنا
هانكون معاك بكل روحنا ودمنا
بس انت لازم بالمحبه تضمنا
حوط علينا وحبنا
حس بوجعنا وهمنا
واياك تجور على حقنا
انامش بهدد حضرتك
انا بس عاوزه يوصلك
ان اللى راح يكتب نعم
يقدر يقولك الف لاءه لسطتك
اوعاك غرورك يخدعك
والكرسى يسرق رحمتك
ده بحبنا هاتكون قوى
وظلمنا راح يهزمك
ده ربنا لينا مغيث
وعليك رقيب خليك حبيب
واياك تعادى شعب رفعك ف السما
شعب راح قالك نعم عملك رئيس
شعب قال للظلم لاء
ولضعفه اللى كان حبيس
والف لاء للى هايخد حقنا
حتى ولو كان الرئيس
-----------------------------
سميره الاسريجى (ماما نونه)