احظر ياريس
..............................................
مبروووك نجح
والشعب
طاير م الفرح
:
والبندقية زغردت
حتى العلم
من نكستوا رفرف
على الصارىوسرح
:
الفرحة عمّت النجووع
كست الشوارع فى الكفور
لفّت فى القرى
وحلفت" تجيب شوارع المدينه
وتشتعل فيها الشمــــــــــوع
:
دقّت على ابواب البلد
باب مصلّب بالهوى
وباب عليل من غير دوا
:
وباب متين
وباب من غير ستار
على حجره طين
:
وباب مزرجن من سنين
وباب لقصر مشيد ثمين
:
وباب مقفول بباب مقفول بباب
وباب بيحوى وراه ضباب
:
والكل باسم بيتصنع
والضحكه مخنوقه
والأمل كالعادة" مفقوود
من كتر مااتآالت وعوود
وعند الجد تلاقيها سراب
:
لكن بتوهم نفسها
عايزا تقضّى وقتها
:
كانت جعانه
او مش جعانه
بتلعب"تجرب حظها
:
لكن فرحانة وبترقص
من أرفها بتتصنع فرح
:
ياسيادة المشير
ياكبير خلقك كبير
:
احنا غلابه
مافينا حيل
:
مش طمعانين
:
عايزين نعيش
عايزين نحس بنفسنا
عايزين نعوّض عمرنا
عايزين نرجّع الكرامة
عايزين نعوض السنين
:
كانت عجاف والكل شاف
سواد وطين
:
اعمل حسابك
رغم ال فينا "لسه حيل
نثور عليك زى ال قابلك
وقبل قبلك لو تتجاهلنا
:
السجن دارك
وغضبنا نارك
لو".. ماتكون أمين
:
سلمناك" بايعنا بأصواتنا
وشيلنااااك" أمانتنــــــــــــا
تصونها "نصونك" تخونها
هتلحق
كبير العصابه
وشيخ الديابه
والملعونين.
:
سامحنا ياريس
هتفضل كبيرنا
وتاجنا لراسنا
:
مادمت تراعينا
وعارف خلاصنا
.
.نجاحك
هدية اليك
:
واركب حصانك
بس اوعى تلعب
لنغضب عليك.
...................................................سالم هاشم/فجر الخميس 30/5/2014/المنزلة