آاااااه من الشوق

عندي حبيبة منحتها حبي

ملكت عقلي و سكنت قلبي

هي منحة و عطية ربي

قلبها دافي وعايشة بقربي

باعشقها و بقول بالعربي

املي يا روحي تفضلي جنبي

دا حنانك بينور دربي

لوصالها بيحركني الشوق

وعشانها انا دوست الشوك

اصلها خفة و رقة و زوق

و عيونها مليانة هد وء

لو يوم غابت عني و بعدت

قلبي يدق و ابات محروق

وان شفايفها ما لثمت ثغري

اشعر اني خلاص مخنوق

اصلها فرحة قلبي وعمري

و انا طرت بها لفوق الفوق

لواكون يوم مهوم و حزين

نظرة في عينها بحب اروق

و ان يوم قست الدنيا عليه

بين احضانها الدافية افوق

و افضل اشاغب انا و اتدلع

واقطف ورد خدودها الجوري

و لشفايفها الطعمة ادوق

و ان ينادوني ما ارد و اطنش

و انا سكران مش عايز افوق

من كلمات الشاعر المصري

محــــــــــــمد العـــــــــراقي

في 18 / 11 / 2015 م