صباح الجمال
********************\عمر يوسف عبد الرحيم الشريف
صباح الجمال على عيونك
ياللي عيونك بتندهلي
وبتقولي كلام
روح الله يخليك ويصونك
وتسلملي ياحبيبي
وتسلملي عيونك
صباح الجمال الرباني
اللي نومني وصحاني
وضحكني وبكاني
ماأَنت عارف ياحبيبي
أَناقبلك كنت وحداني
صباح الجمال على عيونك
صِبحت الصبح لقيتك بتصبح
زي الندى بيرش عطره
على الأَزهار بتصحصح
زي خيوط الشمس بتغزل
للصبح قميص جميل أَصفر
زي عصفورة حلوة تزقزق
بتبني بعودعشها الأَخضر
زي وردة خدودها بتكبر وبتفتح
تقول للسما والأَرض بصبح
صباح الجمال على عيونك
صباحك زي القمر زاهي بينور
أَقولك أَيه أَنا شفت في عيونك
شفت الأَمل والنعيم والرضا بيكبر
شفت الأَماني وأَغاني شفايفك
بترسم نجوم الليل وفجرها بيظهر
صباح الجمال على عيونك
*************\عمر يوسف عبد الرحيم الشريف