جارى التحميل
استخدم زر ESC أو رجوع للعودة
أبى
سنين مرت ............على فراقك
وعمرى فى لحظه........ مانسيتك
ودايما فى الدنيا...... جميل سيرتك
ولو فكرت أكتب.......... علشانك
إيه يابا............... راح أكتب لك
وحروف الكلام ماتقدر............
...........تحكى لأحبابى عن قيمتك
جسد...... فارق.... وروح ........باقيه
وملازمانى......................... .هيبتك
واحشني كثير.... كلامك ...... ..حنانك
ونفسي تاخدنى ولو لحظه. .. فى حضنك
كنت السند وقد إيه............. محتاج لك
يقولوا..... كبرت..... يقولوا....... إزاى
أقول ...أنا طفل.. .. ...........أنا عايزك
وأبكى الدنيا ...................وأشكى لك
لكن الحقيقه............... راح أدعى لك
تنعم بالجنه................ وأنا آجى لك
سنين مرت ...............مش مهم كام
روحك معايا من الصبح لغايه .. ماأنام
وكثير تيجى ................فى الأحلام
أفوق بسرعه وأقول........ الله ياسلام
فينك يابا ..................ألمس إيديك
وأحس بالأمان............. من عينيك
يارب الجنه ................... نصيبك
وفى أعلى درجه........... مع حبيبك
يارب يقبل .................دعائي ليك
وأرجع كده وأقول ثانى.............
سنين مرت ............على فراقك
وعمرى فى لحظه........ مانسيتك
اسامه وادى
ساحة النقاش