*** حبيبي أناني ***
****************

أناني الطبع فيك ولا ده غيه

ولا عشان صابرة فاكرني مرميه

ليه هونت عليك وخلتني منسية

حرام عليك تبعد كده وتنساني

خفت أقول من الاول

حبيبي من طبعه أناني

عشمني كتير بالجنة أتاريها نار

نساني ونسى قلبي بدون أعذار

بتحرم قلبي من عطفك

ومين أولى بحبك مين

في قلبي ليك شوق جارف

وياريت تكون كمان عارف

ده عشقي ليك من سنين

أحتار قلبي ومحيرني

معاك كده ليه

وبقول يارب صبرني

على هجرك

على قلب أنكوى ببعدك

ومين يداويه

وحياة قلبي اللي دايب في حضن هواك

لا هستناك ولا هترجاك

وبحلف بكل نبض جوايا معذبني

لا هنسى جرحك

ولا قلبك اللي داوبني

غير لما تيجي وتمسح دموعي بعيونك

أنا صونتك ولا فكرت يوم أخونك

ولو كنت شاريني من قلبك

تعالى قولي أنا على عهدي وبحبك

ولا هقدر أعيش بعدك

مها فتحي

13\10\2015