صباح الرقه واﻹحساس
بقلم تامر النقيب
_____________
صباحك ورد يا روحي
صباح الرقه واﻹحساس
ياساكنه وسط شرياني
ياعندي أغلي كل الناس
صباحك حب وأشواقي
يانور عينى وتاج الراس
صباح فيه أنا مشتاق
وبكتبلك صباح من ماس
صباحك ورد يا روحي
صباح الرقه واﻹحساس
فى عز النوم ناديتى لى
وفتحت عيونى ليكِ
لاقيت قلبى بيتلهف
على همسه شفتيكِ
أنا مشتاق
وتعبانى أوى اﻷشواق
تعالي وضمي أحضانى
وأبوس إيدك وكلي حب
وأبوس عينك وأبوس الراس
صباحك ورد ياروحى
صباح الرقه واﻹحساس
أنا طفلك م البعاد ببكى
ومن شوقي ليكِ بشكى
وعنكِ ياما أنا بحكى
وجوه ضلوعى أنا شايلك
وكَبر كل يوم حبك
وباقي ليكى على عهدك
أنا نفسى أبوس كلك
واكونلك بيت وكل الناس
صباحك ورد يا روحى
صباح الرقه واﻹحساس
رسمت بورقى بسماتك
ولملمت الحنين ذاتك
وولعت شموع عشقي
واكون السعد بحياتك
تعالي وارقصي بقلبى
وماتفارقيش ابد حضنى
بحبك مهما كان حبك
وخلى الصعب يوم ينداس
وابوس إيدك فى لحظه فرح
وابوس عينك وابوس الراس
صباحك ورد ياروحى
صباح الرقه واﻹحساس
______________
تامر النقيب
من مؤلفاتي وليس منقولاً
ساحة النقاش