لكِ حناني

هو ده حظي و نصيبي

هو ده اللي اسمه حبيبي

هو ده اللي في قلبي ساكن

هو ده غايتي و مرادي

هو ده النسمة الرقيقة

هو ده غنوة حياتي

هو ده البسمة الجميلة

هو شمعة أمسياتي

هو ده سر سعادتي

هو ده معشوق أهاتي

هو ده حلمي و منايا

هو ده أحلا حكاياتي

هو ده مسهر عيوني

تندهه في سكون ليلاتي

هو ده اللي أنا انتظرته

و دعيت ربي في صلاتي

يبعته يروي حنيني

يسكنه داخل فؤادي

و ناديت ربي رجيته

انه يقبل دعواتي

فاستجاب ربي الكريم

و حققلي أمنياتي

كلمات و إلقاء

الشاعر المصري

محمد العراقي

في 20 / 6 / 2015 م